Lied 32: Sing mit mir e Leed

Sing mit mir e Leed - de Höhner 2017


Strophe:
Met Musik do es alles leichter
als Pänz allein em dunkle Wald
Han mir han jepfiffe un jesunge
un kei Jespens hät uns jekrallt

Met veezehn fuffzehn dann em Schwemmbad
ein Jitarr, alle drömeröm
Bob Dylan un e bissche Beach Boys
Mundorjel odder kölsche Tön

Refr.:
Sing mit mir e Leed, en Melodie
Kumm sing mit mir e Leed, voll Harmonie
Jo sing mit mir e Leed
weil et uns dann besser jeit

Strophe:
Met Musik do es alles besser
Ne Daach es koot, die Naach weed lang
Em Radio ding Lieblingsleeder
un du wees joode Laune han

Met Musik löß sich besser fiere
Kein Huhzick ohne Chorjesang
Kei Fußballspell, wenn dann e Tor fälltet
un et singe alle Mann

Refr.:
Sing mit mir e Leed, en Melodie
Kumm sing mit mir e Leed, voll Harmonie
Jo sing mit mir e Leed
weil et uns dann besser jeit

Sing mit mir e Leed, in Moll un Dur
Kumm sing mit mir e Leed, dat eine nur
Jo sing mit mir e Leed
bis die Welt sich öm uns drieht


Interl.:
Met Musik es die Welt jet schöner
et deit sich jet wenn mer se hührt
Met Musik kann mer jet bewääje
wenn e Leed mi Hätz berührt

Refr.:
Jo sing mit mir e Leed, en Melodie
Kumm sing mit mir e Leed, voll Harmonie
Jo sing mit mir e Leed
weil et uns dann besser jeit.

Sing mit mir e Leed, in Moll un Dur
Kumm sing mit mir e Leed, dat eine nur
Jo sing mit mir e Leed
bis die Welt sich öm uns drieht.