Lied 39: Für die Liebe nit

Für die Liebe nit - Lupo 2018



Et kölsche Woot für Zwiebel es ôllisch.
Et kölsche Woot für Bürgersteig es Trottoir.
Et kölsche Woot für Regenschirm es Paraplü
Un unser Lieblingswörtche es Alaaf.

Op kölsch jitt et für alles e Woot nur für die Liebe nit.
Für alles han ich ne Plan B nur für die Liebe nit.
Möht ich op en einsame Insel, nöhm ich drei Saache met.
Ja, wat denn?)
Ne Fußball, e Handdoch un natürlich dich.





Et kölsche Woot für Fernseher es Flimmerkiss.
Et kölsche Woot für Senf es Mostart.
E Verhältnis sexueller Art es e Fisternöllsche.
Un wenn do he falsch parks, kriss do e Knöllche.

Op kîösch jitt et für alles e Woot nur für die Liebe nit.
Für alles han ich ne Plan B nur für die Liebe nit.
Möht ich op en einsame Insel, nöhm ich drei Saache met.
Ja, wat denn?)
Ne Fußball, e Handdoch un natürlich dich.



Nirjendswo anders sät mer Plümo.
Se luure dich nur blöd aan.
Selvs et Wörtche löpsch es völlig unbekannt,
Doch et größte aller Jeföhle han mir einfach nit benannt.





Op kölsch jitt et für alles e Woot nur für die Liebe nit.
Für alles han ich ne Plan B nur für die Liebe nit.
Möht ich op en einsame Insel, nöhm ich drei Saache met.
Ne Fußball, e Handdoch un natürlich dich.

Na, na,na......
Möht ich op en einsame Insel, nöhm ich drei Saache met.
Ne Fußball, e Handdoch un natürlich dich.
Wieso dann eijentlich nit?